नेपाल सरकार
गृह मन्त्रालय
जिल्ला प्रशासन कार्यालय,
म्याग्दी


  सेवाग्राहीसँग जिल्ला प्रशासन कार्यालय, म्याग्दीको विशेष अनुरोध

१. जिल्ला प्रशासन कार्यालयबाट प्रदान गरिने कुनै पनि सेवा वापत सेवाग्राहीले कुनै अतिरिक्त शुल्क तिर्नु पर्दैन । 

२. जिल्ला प्रशासन कार्यालयको कामको लागि भनी कोही कसैलाई चिन्न भनसुन गराउन वा सोर्स लगाउनु पर्दैन ।

३. जिल्ला प्रशासन कार्यालयका कर्मचारीहरुसँग राम्रो सम्बन्ध छ भनी हामी काम मिलाई दिन्छौ भन्दै विचौलियाको काम गर्ने व्यक्तिहरुको विश्वास नगर्नुहोस । यदि कसैले त्यस्तो गरेको थाहा पाएमा कार्यालयका अधिकृतहरुलाई सूचना दिनुहोस ।

४‍. कामसँग सम्बन्धित कागजपत्रहरु असम्बन्धित व्यक्तिहरुलाई नदिनुहोस ।

५. जिल्ला प्रशासन कार्यालयका कर्मचारी कानुन बमोजिम तपाईको सेवा गर्न हरदम प्रयत्नशील छन् । तपाईको सन्तुष्टि नै हाम्रो सन्तुष्टि हो ।

६. स्थानीय तह वा अन्य निकायबाट सिफारिस भई आएको वा लेखी आएको काममा थप निवेदन लेखी रहनु पर्दैन ।

७. ज्येष्ठ नागरिक, अपाङ्ग, अशक्त र विपन्नहरुको लागि प्राथमिकता साथ सेवा उपलब्ध हुन्छ । त्यसका लागि सहायता कक्ष (Help Desk) मा सम्पर्क राख्नुहोस ।

८. सहायता कक्ष (Help Desk) का कर्मचारीहरु तपाईको काममा सहजीकरण गर्न तत्पर छन् । 

९. कार्यालयको सेवा सम्वन्धी थप जानकारी आवश्यक परेमा यस कार्यालयको वेभसाइट www.moha.gov.np/myagdi मा लगइन गरेर साथै यस कार्यालयको फेसवुक पेज www.facebook.com/daomyagdi बाट पनि यस कार्यालयको विभिन्न गतिविधि तथा सूचना तथा समाचार समेत जानकारी लिन सकिने छ । 

१०. कार्यालयको काम सम्बन्धमा कुनै गुनासो भएमा प्रमुख जिल्ला अधिकारीसँग सिधै सम्पर्क तथा मो.नं. ९८५७६२७७७७ मा सम्पर्क गर्नुहोस । 



© सर्वाधिकार सुरक्षित गृह मन्त्रालय