म्याग्दी जिल्लाको परिचय
2076-08-08
2076-08-08
तस्बिर :
म्याग्दी संघीय नेपालको गण्डकी प्रदेश अन्तर्गतको हिमाली जिल्ला हो । यस जिल्लाको पूर्वमा कास्की र पर्वत, पश्चिममा बागलुङ, डोल्पा र रुकुम, उत्तरमा मुस्ताङ र डोल्पा तथा दक्षिणमा बागलुङ जिल्ला पर्दछन । कुल क्षेत्रफल २,२९७ वर्ग कि.मी. (२,२९,७०६ हे.) रहेको यो जिल्ला भौगोलिक अवस्थितिका हिसाबले ८३००८' देखि ८३०५३' पूर्वी देशान्तरसम्म र २८०२०' देखि २८०४७' उत्तरी अक्षांससम्म फैलिएको छ ।समुद्री सतहबाट न्युनतम ७९२ मीटर (रत्नेचौर बेनी नगरपालिका ) देखि अधिकतम ८१६७ मीटर (धौलागिरि हिमाल) सम्मको उचाईसम्ममा मूलत बेशी, उच्च पहाडी क्षेत्र र हिमाली क्षेत्र गरी तीन किसिमको भुगोल रहेको छ ।उचाई अनुसार अर्धोष्ण, सम-सितोष्ण, शितोष्ण र अल्पाइन हावापानी रहेको छ भने बार्षिक औसत तापक्रम न्युनतम ३० देखि अधिकतम ३६० सेल्सियस सम्म हुने गर्दछ । म्याग्दी जिल्लाको वर्तमान सिमाना २०३१ सालमा पर्वत र मुस्ताङबाट २० गाविसहरु (गाउँ पंचायत) यस जिल्लामा गाभिन आएपछि कायम हुन आएको हो ।२०१८ सालको सीमा विभाजन अनुसार गण्डकी पारिका ईलाकाहरु क्रमशः मुस्ताङ र पर्वत जिल्लामा रहेका थिए । तत्कालीन म्याग्दी जिल्लामा २१ गाविस (गाउँ पंचायत) मात्रै रहेका थिए । साविकमा १ नगरपालिका र ३५ गाउँ विकास समिति रहेकोमा स्थानीय तहको पुनर्संरचना पश्चात १ नगरपालिका (बेनी नगरपालिका) र ५ गाउँपालिका (धौलागिरी, मालिका, मंगला, रघुगंगा, अन्नपूर्ण) रहेका छन् ।म्याग्दीमा प्रतिनीधि सभाको लागि एक निर्वाचन क्षेत्र र प्रदेश सभाको लागि दुई निर्वाचन क्षेत्र छन ।रहेको वि.सं. 2068 सालको जनगणनाअनुसार यस जिल्लामा 27762 घरधुरी रहेका छन । जिल्लाको कुल जनसंख्या 113641 मध्ये महिला 62246 र पुरुष 51395 छन । जिल्लाको जनघनत्व 49 प्रति वर्ग कि.मी. रहेको छ । जिल्लामा मुख्य रुपमा ब्राह्मण, क्षेत्री, मगर, नेवार, थकाली, गुरुङ, गिगरी, छन्त्याल, कामी, दमै, सार्की जातिको बसोवास छ ।यहाँका मुख्य भाषामा नेपाली, नेवारी, गुरुङ, मगर, छन्त्याल पर्छन ।धार्मिक हिसाबले हिन्दु र बौद्ध धर्मावलम्बीको बाहुल्यता रहेको यो जिल्लामा केही मात्रामा मुस्लिम र क्रिश्चीयन धर्मावलम्विहरुको पनि बसोबास रहेको छ ।